名份係米真係咁重要呢~

與其想自己鐘意ge男仔同自己一齊, 比好多ge承諾你

而自己又base on 呢 d 承諾去 evaluate 個男仔做得好唔好,

當個男仔做錯事...傷心ge都係自己...

咁倒不如assume 個男仔係一個徹底的仆街,

你對佢冇任何ge expectation,

咁佢日後所做ge野都會係bonus, 令你開心

好似好極端好誇張, 但某程度上係事實

男仔好怕比承諾

我也好怕接受承諾

被承認那一刻是開心的

但我明知個男仔做唔到,

又何必大家呃大家呢...

曾經聽過好多ge甜言蜜語, 但又知道我地當時ge感情不足以令佢起呢個承諾時,

老實說, 即使聽那一刻不會感動,

心裡更有不知所措, 不知怎樣回應的感覺

鐘意還鐘意, 我的感情是真的

不過我還是喜歡自由~

我想等待生命中每個驚喜

也不要把別人對我的好"take it for granted" ...

週末真係好顛, 連續通頂玩左2晚...

繼大前晚大O食宵返shaw通頂後,

前晚同waiwai 好好好即興咁返左福田,

經過前一夜大家都冇訓過ge精神狀態之下, 我地一直透支著精神去溝通

是晚約埋ivan, 因為有男仔係道, 咁我同waiwai 都放心玩通頂...

ivan 話11點可以由沙田上黎, (我同佢講過我ge酒店係羅湖區)

佢就好自然咁去左羅湖

我同佢講我地係福田ge世外桃園, 係皇岡口岸有shuttle 去的

佢來到門口, 好confuse, 再問我係米果道,(形容門面特徵)

confirm 係, 佢就好無奈咁入左黎...

點知入到黎d staff 好好服務咁叫佢換衫, 佢就好confuse 咁去換...

到佢上左黎, 佢好大反應咁問我係米係道做, 佢話冇人會係道做...

我以為佢話呢間唔好, 我同佢講係我個fd 係道做過, 介紹我黎呢道做...

講左2分鐘=.=

原來一直佢以為我係道做ge意思係係道返工,

佢一直以為係上黎我酒店玩

但係我明明星期五講過話係去做massage!!

成件事係一個gag~

不過諗返轉頭, 一直抱住一個perception 去一間五星級酒店搵人,

結果個"bellboy" 唔係開門比佢, 係問佢先生幾多位,

仲要換衫先可以搵人, 都幾funny~

返到hotel 都成5:00...

好耐都冇試過咁cher 玩得咁顛啦~

尋日係好充實ge一日啊~

因為做酒店呢行好講求衛生,

尋日新入職ge人都要做body check,

咁大個女都係第一次比人吉手指驗血...(呢個諗起都覺得隻手指仲有d痛=.=)

嘩!!!! 驚到我呢~未去到醫院已經開始頭暈腳震,

就快輪到我ge時候鼻子酸酸,

吉我ge時候我另轉面, 淚水缺堤而出

佢抽我果兩滴血, 我流了兩行淚!!

喊到呢~

兩滴血,都攪成咁, 我第時點生bb=.=

是晚返shaw o camp , camp fire + 食宵~

好hyper----開頭, 之後跳到想死想中暑 再跳不下去, 去阿啤間房同waiwai yoko 揸攤~

好開心啊~~好懷念以前ge 瘋癲生活...

食完宵成組人都返shaw通頂!!

又有幸坐ivan 車, 成百shaw人讓路觀望之下絕塵而去!!!

文瀾通頂夜談的一晚

大家都變了很多

原來以為冇左係呢個friend 架啦...成日都唔聽人電話...

a nice chat... 好似以前咁!!有d似返兩年前ge感覺

Waiwai 已經唔想理我d 感情生活啦~

佢話如果我失戀都唔使理我,

係我自作自受的haha~

貪新不忘舊  珍惜眼前所有~

Weekdays 都在深圳, 難得返到黎香港, 點都要見見我愛死的朋友!

好touching....呢個係我地一齊長大ge地方, 五六年前我地會一齊放學, 一齊行平台行到太陽落山先各自返屋企。其實我地ge友誼唔係一帆風順, 我地以前都處於一個戀愛大過天直至盲目的地步, 眼中只有男人沒有朋友, 我承認, 因為某d原因, 我也曾有想疏遠你的時候, 亦都曾經有一段時間好耐都冇聯絡。

係時間, 亦係人變得成熟左, 我知道, 我地有好深厚ge緣份, 點疏遠都唔到呢個事實。我地有好多相似ge地方, 我亦沾了你男友的光. 你想起佢時, 都會想起埋我~哈哈~

聽日考speaking lu~自從你走左之後,都冇人陪我講英文!!不過, 彷彿都唔再重要, 亦都係我foresee 到ge 結果。你唔講, 我唔講, 等著有一天, 讓曾經存在ge感覺慢慢在空氣中消失!

太耐太耐冇打xanga啦,上個禮拜係深圳, 好多網都上唔到...不過好多謝Leon 幫我 activate 左個VPN...而家咩網都上到啦~ 成個禮拜晚晚都溫英文~不過都有按捺不住, 溜出街的時候~雖然只係深圳, 香港只係隔離, 算唔得上叫出遠門做野...但係唔知點解, 我就係好中意呢種人生路不熟, 自由自在, 探險ge感覺!! 好似呢個世界只有我自己~

屋企人好錫好鍚我,表面上好似冇咩野, 但係我知道我一日唔係屋企,我一日仲做緊呢份工, 佢地一日都唔會安心...我地冇正面去處理呢個問題, 在佢地而言, 只要搵到一份政府工 or 銀行工先係令佢地安心的, 而我心裡都知道,我係唔會做呢d工, 我既不想,也沒有能力...我唔想營營役役, 人爭我又爭,但明明我唔想爭的!

做香港人太大壓力太痛苦了!! 對住爺爺嫲嫲..我無言以對...